الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 كلام غريب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: كلام غريب   2008-02-11, 9:51 pm

من أغرب الأشعار التى قرأتها كانت هذة المناظرة الشعرية بين موقف المجتمع الذكورى من مجتمع حواء مناظرة غريبة و لكن أنا شخصيا أنحاذ لموقف حواء فى هذة المناظرة لأنى أراها مقهورة فى مجتمعنا هذا لإنا كرجل أتمتع بمقدار ألف مرة من الحرية قدر ما تتمتع بة حواء:

دة اللى قالة معشر آدم:
ستاشر سنه

دول مخدوعين
دوا اللى كاتبين لك ميلادك فى الشهاده مخدوعين
حتى التاريخ نفسه كمان مخدوع ومخدوعه السنين
مش ممكن أبدا تبقى ستاشر سنه
ولا ميت سنه
ولا خمسميت مليون سنه
دى حاجات كتير ومحتاجات
جوه العيون
وف الدماغ سناريوهات
معرفش أكتبها أنا ولا حتى أفهمها قوام
ولا عمنا بتاع الغرام
يقدر يألفها ويتقن حبكها
بتحكى أوهام من دماغك
وعن هموم عايشه فى حياتك
أنا خلاص رايحه انتحر
أمى وابويا كرهونى ف الحياه
بيحبوا أخويا أكتر .. ياريتنى جيت ولد
أمى وابويا مزعلينى
وانتى تزعلى بلد
××××××××
ياوارثه حوا من ملايين السنين
مولوده وياكى التجارب
أنتى اللى فى بدء الحياه دوختى آدم
وانتى اللى خليتى زمان عنتر يحارب
وانتى اللى تهتى ويا أنطونيو فى قارب
وتسألى كلمة ( كيوبيد ) يعنى ايه
واللى يدور يلتقيكى انتى اللى من مليون سنه مخلفاه
ومرضعاه
ومعلماه
يرمى سهامه ازاى وفى اى اتجاه
وأما أقولك تاخدى أيه ؟
تتقصعى بطفوله وتقولى ( أنا آخد كاساتا )
تاكليها واللى يبص لك
يلقى عيونك ع الترابيزه اللى جنبينا بتتغزل فى كاس ويسكى فى ايد راجل عجوز
ياوارثه حوا من ملايين السنين
مولوده وياكى تجارب أمنا الاولى وكل الامهات
وحافظه كل الحركات
من غير مذاكره حافظه كل الحركات
الرمش لما تكسره التنهدات
و( ياى ) و (مش معقول ) وكام كلمه كده صبحم مودات
على لسان الفتيات
آسف على لسان النساوين اللى جايين كلهم مخضرمات
أن شاالله حتى عمرهم سبع سنين
مخضرمين
××××××××
ومخدوعين دول اللى كاتبين لك ميلادك ف الشهاده مخدوعين
حتى التاريخ نفسه كمان مخدوع ... ومخدوعه السنين
مش ممكن أبدا تبقى ستاشر سنه
ولا حتى ديشليون سنه


و دة اللى قالوة معشر حواء

أحنا البنات


أحنا البنات
أحنا اللى شفنا الذل وعرفنا الاهات
مالناش وجود
أحنا العدم
أحنا أتخلقنا للالم
شوف حتى يوم ما بنتولد
الاب واقف ينتظر
ومن القلق راح ينتحر
خايف لا ما يجيلوش ولد
وان جت له بنت يكون عذاب
ويكون هوان ويكون خراب
وتكون فضيحه فى البلد
والبنت نايمه وللملايكه بتبتسم
والظلم ليها بيترسم
دا الاب فات البيت وفات كل البلد
علشان مراته قال ما ولدتشى ولد
بيقولوا قال حوا السبب
هى اللى كتبت فوق جبينهم التعب
واحنا اللى على ايديهم قاسينا وياما شفنا بظلهم
ذل وعجب
والبنت منا فى الطفوله .. فى صغرها
بيكلموها كلام كبير عن سنها
قال الشرف .. والعفه .. والعيب .. والخطيئه
والبنت مش فاهمه الكلام ده فى الحقيقه
ويبقى بعيونها البريئه
أبوها الدين يعلمها و تسمع بوشوشة
سمعت عليه فى الصبح همس ووشوشه
الناس شافوه فى الليل مع الخدامه نازل دردشه
بيقول لها حكاية غرام
بقى ده كلام
فين الحلال .. فين الحرام
فين الخشا ؟؟؟
واخوها ياللى محرم الشباك عليها
ومسود الدنيا فى عنيها
وضربه بالكرباج معلم فوق ايديها
واقف على الشباك ونازل بصبصه
عمال بيبعت فى الهوا لبنت الجيران
حاجات كتير
أشى زغلله بمرايه وأشى تحديف حصى
ويدور ويتنطط ويتصعب ياعينى بمصمصه
والاخت واقفه من بعيد
بتراقبه وبأصرار أكيد
بتروح وتسأل أمها بثورة عذاب
ودموع عتاب
ليه ما أنضربشى وانجلد ؟
حتى أمها .... واهى منها برضه وزيها
بتقول كلام بيذلها
معلهش ..
ده أصله ولد
وان حتى زلت بنت بيكون السبب
راجل ومفتول له شنب
عشمها فى الاول واقسم ميت يمين
ولما ضيع طهرها
اداها ضهره وقال لها
أرمى الجنين
واهو فات وراه عيل لقيط
أتخلصوا منه ورموه
يصرخ من الجوع جنب حيط
والندل أبوه قاعد بيحكى فى قصته
ويقول ده عار والغلطه دى مش غلطته
قال ايه عامللى واد حويط
ازاى يكون راجل عبيط
ويلم لحمه من التراب
ما يسيبه جيفه للكلاب
ماتت من الجوع جنب حيط
وان عاش يعيش اسمه لقيط
آدى الرجال الغلبانين
اللى بدهاءنا بيشتكوا
دايما وعاملين مظلومين
مالهم كده متعقدين
هما اللى ذلونا من مليون سنه
بيبيعوا فينا ويشتروا
ويوصفونا بالعبيد
وانتم ياوارثين الجدود
أيام هارون بن الرشيد
عاوزين تحطونا ف قفص
وتقيدونا بالحديد
ياقلوب حديد
ياسجانين
وتعملوا لنا غلبانين
قال غلبانين
ده احنا اللى دايما غلبانات
أحنا البنات

مش عارف أية رأيكم فى الموضوع دة أتمنى أنة يضيف شئ هو دة وضع البنات اللى كان سائد فى المجتمع لقرون طويلة و الآن الموضوع بدأيتحسن بس لسة الرواسب الفكرية موجودة من العصور الغابرة

د/ روما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: رد: كلام غريب   2008-02-11, 10:07 pm

البنت عضو في اكاديميا وتعرف كيميا
البنت عضو في اكاديميا وتعرف كيميا
خلينا احنا في الباميا والفقر التام
تمسك ياعم ايد التلفون مش ايد الهون
اللي تسمّع في الكركون والناس ح تـنام
فين اللي تعـتر في الحلّه وتكسر قـلّه
من اللي تـنقـش دانتيلّه من البفته الخام
مفروده دايما لاتبوز ولا تـتأوز
عازبه ولما بتجّوز تعمل له مقام
مادام يحبها وتحبه وداخله ف عبه
مايسبهاشي ولا بتسبه من عنده كلام
اما الا نيته ام جلاجل تاخد الراجل
تركبه الفقر العاجل وتجيب له لجام
متجوزاه وعاملاه سلم لويتـكلم
الضرب على صدغه يعلم اكفف واقلام
وجوزها يشرب بنوره وهيه طاطوره
تحبل وتولد بالطوره زي الأغنام
يـيجوا العيال اللي يهرهر واللي يـبربر
ودا اللي اقرع واللي اعور واللي له خزام
اطفال اوربا ف عربيات ومربيات
وبزازات وتبات ونبات ولهم حمام
لا ده ابوه مليارد كبير ولا دا ابن فقير
مادام دا يبقى طفل صغير تعذيبه حرام
قال الكرم خد اموالنا امال مالنا
يارب سايـبيـن اطفالنا زي الايتام
مكومين كدا في الشارع روس وكوارع
والسلسله وعضم الذارع والباقي عضام
تدوسهم الساده الشماليل يعني المساطيل
المجعوصين جوا الطومبيل زي الاصنام
آه لما اشوف رزق الجاهل كدا بالساهل
صاحب وجاهه دا بيستاهل حكم الاعدام

بيرم التونسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: كلام غريب   2008-02-13, 11:46 am

صباح الفل يا شاعر
و لو كملنا الاوبريت ده , عن حالتنا زمان , يبقى لازم انقل حاجة ل ( نزار)
امال ايه ؟


(( رسالة الى رجل ما ))

*******
ياسيدى العزيز
هذا خطاب امرأة حمقاء
هل كتبت إليك قلبى امرأة حمقاء ؟
اسمى أنا ؟ دعنا من الأسماء
رانية . . أم زينب
أم هند . . أم هيفاء
أسخف ما نحمله - ياسيدى - الأسماء
****
ياسيدى
أخاف أن أقول مالدى من أشياء
أخاف - لو فعلت -
أن تحترق السماء . .
فشرقكم ياسيدى العزيز
يصادر الرسائل الزرقاء
يصادر الأحلام من خزائن النساء
يمارس لحجر على عواطف النساء
يستعمل السكين . . والساطور . .
كى يخاطب النساء
ويذبح الربيع ، والأشواق . .
والضفائر السوداء
وشرقكم ياسيدى العزيز
يصنع تاج الشرف الرفيع
من جماجم النساء . .

****
لا تنتقدنى سيدى
إن كان خطى سيئا . .
فإننى أكتب والسياف خلف بابى
وخارج الحجرة صوت الريح والكلاب . .
ياسيدى !
عنترة العبسى خلف بابى
يذبحنى . .
إذا رأى خطابى . .
يقطع رأسى . .
لو رأى خطابى . .
يقطع رأسى . .
لو رأى الشفاف من ثيابى . .
يقطع رأسى . .
لو أنا عبرت عن عذابى . .

فشرقكم ياسيدى العزيز
يحاصر المرأة بالحراب . .
وشرقكم يا سيدى العزيز
يبايع الرجال أنبياء
وطمر النساء فى التراب . .
****
لا تنزعج !
ياسيدى العزيز . . من سطورى
لا تنزعج !
إذغ كسرت القمقم المسدود من عصور . .
إذا نزعت خاتم الرصاص عن ضميرى
إذا أنا هربت
من أقبية الحريم فى القصور
إذا تمردت ، على موتى . .
على قبرى ، على جذورى .
والمسلخ الكبير . .
إذا أنا كشفت عن شعورى
فالرجل الشرقى
لا يهتم بالشعر ولا الشعور . .
الرجل الشرقى
- واغفر جرأى -
لا يفهم المرأة ... إلا داخل السرير ..
****
معذرة ياسيدى
إذا تطاولت على مملكة الرجال
فالأدب الكبير - طبعا - أدب الرجال
والحب كان دائما
من حصة الرجال ...
والجنس كان دائما
مخدرا يباع للرجال ...
خرافة حرية النساء فى بلادنا
فليس من حرية . . أخرى ، سوى حرية الرجال . .
ياسيدى . .
قل ماتريده عنى . . بلهاء
فلم أعد أبالى . .
لأن من تكتب عن همومها .
فى منطق الرجال تدعى امرأة حمقاء
ألم أقل فى أول الخطاب إنى امرأة حمقاء .

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: رد: كلام غريب   2008-02-14, 1:22 am

اللة عليك ياعمنا ياسلام أنا باتمزج جدا جدا لما بلاقى حد بيفهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: كلام غريب   2008-02-22, 3:05 am

أنا الحقيقة متعاطف جدا مع القصيدة الأولي لدكتور روما اللي عنوانها احنا البنات
واقعية جدا في مجتمع اتسم بالحجر علي المرأة لكن العزاء ان هناك
تطور ملحوظ وسوف يستمر التحسن مع الوقت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: رد: كلام غريب   2008-02-26, 12:10 am

ألف شكر يا عم بوبو بس القصيدة مش بتاعتى دى كانت مناظرة شعرية فى معرض الكتاب بس كان الإتنين اللى بيقولوها متحمسين جدا لكلامهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: كلام غريب   2008-03-13, 6:13 pm

تعيش وتنقلنا الكلام الجميل
أدينا بنتعلم بردو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلام غريب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم القلب :: بنت & ولد-
انتقل الى: