الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 ازاى تعبر عن مشاعرك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Romany 777
Romany 777


ذكر
عدد الرسائل : 210
العمر : 34
رتبه العضو : المشرف العام
تاريخ التسجيل : 23/11/2007

مُساهمةموضوع: ازاى تعبر عن مشاعرك   2008-06-18, 6:38 pm

الطريقه الاشد رومانسيه على الاطلاق للتعبير عن مشاعرك
مجربه واثبتت الفشل الذريع بنسبه 99%
(اوعى تعمل زى صاحبنا ده)


نبتدى الحكايه بقى

قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان .. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء

اقولها
انها تخنت والمفروض تقلل من البيبسي وتبطل أكل شوية بالطفاسة اللي هي فيها
دي علشان تفهم اني مهتم بيها وبرشاقتها و خايف عليها من كتر الاكل

و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل


اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل

لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء

قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟

عاطفة و اشواق وحب من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هههههه

عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد

وفي الاخر البني آدمة تبعتلي مسج تقولي


انت مدب.. مدب.. ومبتحسش.. انت مدب.. مبتفهمش
شفت اخرتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://4ufamily.5forum.net
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: ازاى تعبر عن مشاعرك   2008-06-18, 7:55 pm

التعبير عن الرأي بالذات في موضوع البنت اللي انت هاترتبط بيها
دا فن كبير ومهم جدا

البنت بتبقي مشغولة جدا طول الاسبوع بالخروجة اللي هاتخرجوها مع بعض
وتدنها تجهز في نفسها لليوم ده

هم البنات كده (الكلام ده بجد)

يجي الباشا زي الطربش
يلاقيها لابسة بلوزة لونها غريب شوية...

رد فعل الطربش: ايه اللون اللي انت لابساه ده
ده لا لايق علي البنطلون ولا علي الجزمة (فيها كناية عن نفسه)

الجملة دي بتكون زي القلم علي وش البنت
البنت بطصدم لأنها عماله تعمل ده كله علشان خاطر الطربش بتاعها

الخلاصة: لما الواحد مننا يحب يعبر عن رأيه مع البنت اللي ناوي يرتبط بيها
- بعد ما يكون أختارها صح طبعا-
لازم لازم :
يبتدي كلامه بمدح الأول وبعدين يقول رأيه

مثلا: الله البلوزة دي يا حبيبتي جميلة جدا عليكي
بس عارفة لو كان لونها أفتح شوية كانت كلت منك حتة
علشان انتي زي القمر في عنيا يا حبيبتي


يارب نتعلم بقي حاكم بتوع طب دول طر.....
بلاش علشان انا بردو واحد منهم

ربنا معاكو
أي استشارة تحت أمركوا 24 ساعة
(دكتوراه المشورة الأسرية والعاطفية من جامعة روبرتو بأيرلاندا)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: ازاى تعبر عن مشاعرك   2008-07-10, 9:09 am

Dr popo كتب:
الخلاصة: لما الواحد مننا يحب يعبر عن رأيه مع البنت اللي ناوي يرتبط بيها
- بعد ما يكون أختارها صح طبعا-
لازم لازم :
يبتدي كلامه بمدح الأول وبعدين يقول رأيه


يا واد انت يا خبرة

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Romany 777
Romany 777


ذكر
عدد الرسائل : 210
العمر : 34
رتبه العضو : المشرف العام
تاريخ التسجيل : 23/11/2007

مُساهمةموضوع: رد: ازاى تعبر عن مشاعرك   2008-07-10, 9:34 am

ده استاذ المسامير --من عائله سمير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://4ufamily.5forum.net
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: ازاى تعبر عن مشاعرك   2008-10-17, 2:59 am

دي شهادة أعتز بيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاى تعبر عن مشاعرك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم القلب :: بنت & ولد-
انتقل الى: