الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 كلام مثقفين ..... اعمل دماغ و تعالى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: كلام مثقفين ..... اعمل دماغ و تعالى   2008-05-27, 10:56 pm

العالم المثقفين دول ليهم لغة ملعبكة و مكركبة
و ملناش دعوة بيها
بس اللي يحب
حنحط هنا شوية كلام ايه , يكيفوا




1- ايديولوجية

الايديولوجية ديه يعني اعتقاد فكري متأصل و بيتبني عليه الافكار
زي مثلا ( ايديولوجية الصهيونيين ) فهو اعتقاد فكري قائم على ( الشعب المختار + ارض الميعاد )
و لو المسألة مش مصيرية , او على خفيف , اوقات تتسمى ( اجندة ) و الاجندة هي خطة مبنية على اعتقاد معين , و بتتنفذ ف خطوات تحقق الهدف منها


2- براجماتية
البراجماتية هي اعتقاد مبنى على قاعدة المنفعة
يعني مفيش ايديولوجية معينة , لكن شوف مصلحتك فين و عليها ابني تصرفاتك
و هي مش موقف انتهازي , لانه مش بيدوس على حقوق الغير , لكن نقدر نسميه موقف مرن


3- دوجماطيقية

الدوجما هي الحق
الدوجماطيقي هي الافكار \ طريقة التفكير , اللي بتؤمن بعصمة الافكار , و انها مش قابلة للخطا , و ان كل اللي يخالفها خطأ
و الدين دوجماطيقي , لان مصدر معلوماته هو الله
و اوقات الدوجماطيقية ديه بتكون السبب ف حركات الارهاب , لان الاخر هنا مخطئ = كافر
فاللي بيستحل دم الكفار , دوجماطيقيته بتكون مميتة


_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: كلام مثقفين ..... اعمل دماغ و تعالى   2008-05-29, 1:36 am

4- ديالكتيكية

من ( ديا ) يعني اتنين
زمان كانت الافكار ( دوجما ) يعني ديه فكرة صح و الباقي غلط , ده حسب المنطق الارسطي ( نسبة لارسطو ) بس دخلت مناهج تانية للتفكير , و ابتدوا يعتبروا ان كل حاجة بتحتوي على ضدها ف نفس الوقت , و من فلاسفة النوع ده (هيجل ) و (ماركس ) , و يمكن ( اينشتاين ) كمان كان بيمثل الجانب التطبيقي للنظرة ديه
باختصار , المسالة الديالكتيكية هي مسالة متناقضات ...


5- اليوتوبيا

مصطلح اليوتوبيا يقصد بيه المدينة الفاضلة
مدينة كان من اشهر من فكروا فيها هو ( افلاطون ) و بيتمنى فيها عالم مثالي
فاصطلح على كل عالم مثالي بتمناه لا يمكن تحقيقه انه يوتوبيا

و بمناسبة افلاطون فيه كمان ( الحب الافلاطوني ) و ده مشهور شوية و مقصود بيه الحب العذري حب الروح للروح من غير التفكير ف الجسد

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: كلام مثقفين ..... اعمل دماغ و تعالى   2008-06-01, 1:46 pm

6 - ابستيملوجيا

الكلمة مكونة من جزئين ( ابستيم episteme ) يعني نظرية , و (Logos ) يعني معرفة , و المصطلح معناه ( نظرية المعرفة ) و هو مصطلح موضوع مقابل مصطلح ( الانطولوجيا ) و الاخير ده معناه ( النظر بالعقل في العلاقة بين الاشياء ) يعني العقل بيبقى الحاكم على الحاجات , لكن بعد التشكيك ف قدرة العقل , ابتدوا يطلعوا الافكار الابستيملوجية , يعني بيفكروا ف العلاقة بين العقل و الاشياء اللي بتحصل حواليه , يعني العقل هنا مش حاكم لكنه عنصر متغير و بيتأثر , فبندور ايه اللي خلاه يقول الحكم الفلاني


7- المنهج الديكارتي

ديكارت فيلسوف فرنسي عظيم , و اسس منهج جديد هو منهج الشك ف الثوابت , و منهجه ببساطة اننا بنعتبر كل الافكار اللي ف دماغنا افكار غير مؤكدة , فزي سلة فيها تفاح سليم و تفاح فاسد , بنفضي السلة كلها , و نحط السليم بس
برضه نفضي دماغنا من افكارها و كل احكامها المسبقة , و نحط كل حاجة عليها دليل

ده اسمه منهج الشك الديكارتي
بس ديكارت كان بيقول نشك مرة واحدة و نجرب , لكن بعد كدة ورثة ديكارت فكريا اخذوا الشك اسلوب حياة , يعني حتشك ف الشئ للابد

من اقوال ديكارت ( انا افكر , انا موجود ) , و الناس بتستعمل الجملة ديه غلط
و قصة الجملة ان ديكارت لما اعلن انه حيشك ف كل حاجة
شك ف وجود الله , و ف وجود العالم ( يمكن يكون العالم ده حلم و خيال و ملوش وجود غير ف تصورات العقل ) و ف وجود نفسه حتى
فكان اول حاجة عنده ( انا افكر اذن انا موجود )
فاستدل بتفكيره على وجوده الذاتي
بعد كدة قال ( انا افكر , اذا يوجد اشياء انا لا اعرفها و اريد ان اعرفها , اذن انا ناقص , و احتاج الي الكمال , اذن هناك كمال ) و هذا الكمال هو الله
فاطمئن الي وجود الله
اخيرا قال ( بما ان الله هو الكمال , و هو اللي صنع العالم ده , فالكمال مينفعش يخدع و يكذب , اذن العالم ده حقيقي ) و بكدة اثبت وجود العالم

يعني المنهج الديكارتي منهج شك من اجل البناء , مش شك للهدم
و جدير بالذكر ان عميد الادب العربي د طه حسين , لما استخدم المنهج الديكارتي ف مراجعة الشعر الجاهلي , ثار علما الدين عليه و كفروه و طالبوا بمحاكمته بسببب كتابه الشهير ( ف الشعر الجاهلي ) و كان فيها بيستخدم المنهج الديكارتي

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: كلام مثقفين ..... اعمل دماغ و تعالى   2008-06-02, 12:39 pm

8- الراديكالية

لفهم الراديكالية , يجب فهم ( الاصولية ) و هي الالتزام بالقديم تماما , و اعتبار ان الحاجة الجديدة شر , الراديكالية اول ما ابتدت كانت بتعبر عن التطرف القادم من الاصوليين دول , لكن بعد كدة بقت تستخدم على اي متطرف سواء (يميني \ اصولي ) او (يساري \ ليبرالي )
بس غالبا لما بنتكلم عن الحركات الراديكالية بنقصد الحركات المتطرفة اليمينة


9 - الميكافيللية


نسبة الي ميكافيللي و هو صاحب مذهب ( الغاية تبرر الوسيلة ) و تحت العنوان ده استخدمت وسائل بشعة لتحقيق ما يمكن ان يعتبر ( غايات مهمة ) , و تحت العنوان ده بيدخل القاعدة الفقهية ( الضرورات تبيح المحظورات ) لكن ف الاديان الراقية بشكل عام فيه محظورات لا يمكن اباحتها ابدا

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلام مثقفين ..... اعمل دماغ و تعالى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: العيادات الخارجيه :: المكتبه العامه-
انتقل الى: