الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 اضحك بقى .....انت مركب وش بلاستك ولا ايه؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Romany 777
Romany 777


ذكر
عدد الرسائل : 210
العمر : 34
رتبه العضو : المشرف العام
تاريخ التسجيل : 23/11/2007

مُساهمةموضوع: اضحك بقى .....انت مركب وش بلاستك ولا ايه؟   2007-12-30, 3:30 pm

هنعمل موضوع نجمع فيه النكت وياريت الكل يشاركنا ويضحكنا معاه


('')
('')




وحدة قالت لجوزها لازم تمشى السواق دة كان هيموتنى مرتين..قالها

طيب نديلة الفرصةالثالثة



مرة اربع صاعيدة داخلين امتحان فاجلهم سؤال فى الامتحان وهو كم
عدد ارجل المعزة
دفكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة



مره واحد ماشى وشايل انبوبة بوتجاز قابل واحده كبيره فى السن قالها ادعيلى يا حاجه قالتلو روح يابنى ربنا يفتحها فى وشك



ابو العربي كان قاعد مع صحابة وبيقول لواحد منهم اهو ابو لهب كان قاعد مكانك امبارح يامرسي
مرسي قاله ياعم انت هتفشر ابو لهب مين
راح ابو العربي منادي علي ابنه انت يلا مش ابو لهب كان هنا امبارح مكان عمك مرسي قاله يابا مش عارف بس اناشوفت عربية خارجة من البيت مكتوب عليها ملاكي قريش


مسؤ ل كبير يفتتح حمام سباحه كبير فى سوهاج فكان مدير الحمام بيشرحله مميزات الحمام فقال : ده يا افندم المنط العشرين متر اطلع يا محمدين نط فنط
وده يا فندم المنط الاربعين متر اطلع يا حسنين نط فنط
فقال المسؤل هايل هايل
قال المدير : ولسه كمان يا فندم لما نملاه ميه !!!!!!!



مره 3 بلديتنا فتحو محل بيتزا سموه بيتزا هععععععععععععع



مره واحد كان مسطول ومش شايف ادامو وشارب ومروح متأخر فى حدود الساعه 2 بيخبط الباب اختو فتحتلو قام لطشها بالقلم وقالها: كنتى فين لحد دلوقتى


مره واحد بلديتنا قال لابوه انا عاوز موبايل قالو : موافق بس بشرط ... تركب اخواتك معاك


واحد بلدياتنا بيقول لابوه عايز نوكيا ....قاله على الطلاق مهتتجوز غير بنت عمك


مدرس بيسأل تلميذ الثعلب بيبيض ولا بيولد ؟ التلميذ : اصل التعلب ده مكار يا استاذ ممكن يعمل كل حاجه



واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"



جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت



واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!



مرة واحد ماشي مهموم وحزين ..فقابله رجل فقال له : مالك شايل الهم ليه.فقال له: أصل أنا زعلان مع مراتي وحلفت ما هتدخل البيت لمدة تلاتين يوم قال له الرجل : وأيه المشكلة في كدة قال له الاول: أصل التلاتين يوم هيخلصوا النهاردة



واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى ؟



مرة واحد قال لمراتة انا عايز اجى الاقى رومانسية فى البيت راحت مراتة سالت امها يعنى اية رومانسية قالتلها مش عارفة بس انقعى الارز احتياطى



مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا




واحد صعيدي راح الصيدلية بيقول للدكتور انا عايز الحقنة اللي بتاخدها مراتي قاله اسمها ايه قالو اسمها مديحة



مره واحد قاعد مع خطيبته وماسك ايديها قالها انتي حد مسك ايدك قبلي قامت حطت راسها في الارض بيقولها انتي زعلتي
قالتله لا بعدهم



واحدة واقفة فى بلاكونة فوقعت من البلاكونة وهى بتقع مسكها واحد المانى فبتقولة اى حاجة هتطلبها هعملهالك قالها هاتى (بوسة) قالتلة انت قليل الادب فسابها تقع مسكها واحد فرنسى فقالتلة اطلب اى حاجة هعملهالك قالها هاتى (بوسة) قالتلة انت قليل الادب فسابها قالت لو كان زمانى بوستة كان انقذ حياتى فمسكها واحد مصرى فقالتلة اديك بوسة بس انقذنى قالها( استغفر الله العظيم)وسابها



مرة واحد صعيدى راح فرنسا شاف واحدة حلوة قوى مشى وراها قالتله

(سوفاج)

قالها لأ من سوهاج



واحد بيسأل بياع إمخاخ :المخ الفرنساوى ده بكام قالوا ب30 والمخ الأمريكانى ده بكام قالو

ب20 طب على كده المصرى ده بكام قالو ب60 الراجل استغرب إزاى ياعم انت .البياع قالوا اصلو ما أشتغلش لسه بشوكه



مرة صرصار بيحب صرصارة قعدوا سنين يحبو بعض صاحبنا الصرصار معندوش فلوس

يتقدم بيها للصرصارة راح اشتغل فى البلاد سنين وسنين وبعد غياب رجع من السفر وقابلتة الصرصارة وبتاخدة بالحضن جة واحد رخم وداس عليهم بالجزمة




نجليزى و فرنساوى و يابانى واقفين على جبل بيعملوا اختبار صدى صوت
فالانجليزى قال هاللو ..رد عليه الصدى....هاللووووو

الفرنساوى قال بونجور .. رد عليه الصدى.. بونجوووور
اليبانى قال شيهنجها .. رد عليه الصدى قالو ... اييييه ؟



مرة ست عجوزة تاهت في غابة طلع لها اسد قالت له ارجوك

ماتكلنيش قال لها اطمني ياحاجة ماباكلش نواشف




واحد مخنوق من نفسه اوى ودبانه عماله تلف حواليه راح

ماسكها وقطع جناحتها وقالها قضيها مشى بقه



ميكانيكى بيسألوه مين مطربك المفضل صاحبنا رد قال

هامر دياب ...ودودج وسوف... ومازدا الرومى...... وتاكسى عجرم



مرة ثلاثة غابوا من المدرسة فبيسألهم المدير غبتو ليه

الأول: انا ابويا وامي كانوا بيلعبوا ماتش كورة وانا واقفلهم حكم
الثاني : انا امي كانت بتغسل البلاط فشايل ابويا علشان ميتزحلقش
الثالث : انا كان ابويا وامي بيتخانقو وكنت بناولهم الشباشب



مرة واحد صعيدى كسب مليون جنيه فالناس قعدوا محتارين وخايفين يقولوا لحسن

يموت مالصدمة فجه العمدة وقالهم انا اللى هاقوله فقاله يامحمدين لو كسبت مليون جنيه هاتعمل ايه راح رادد عليه وقاله هاديك نصهم ياعمدة راح العمدة مات



مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل

المسطول:اه اختى



مره طيار معاه مجانين عملين دوشه فقال للمساعد بتاعه روح سكتهم بعد شويه

مسمعلهمش صوت فقال للمساعد عملت فيهم ايه قاله فتحتلهم الباب يلعبوا بره









كده كفايه النهارده نكمل بعيدين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://4ufamily.5forum.net
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: اضحك بقى .....انت مركب وش بلاستك ولا ايه؟   2007-12-31, 4:23 pm

Admin كتب:

مره 3 بلديتنا فتحو محل بيتزا سموه بيتزا هععععععععععععع




تحيا مصر يا عم

فيه حاجات يجي منها
هعععععععععععععععععع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: رد: اضحك بقى .....انت مركب وش بلاستك ولا ايه؟   2008-01-25, 6:53 pm

عملتلكم طبق كوكتيل :
كهربائى أبنة سخن

ركب لة ترانس

مذيعة أتجوزت واحد شخصيتة مهزوزة
ركبت لة إريال

أثنين مديرين راحوا يصيفوا مدير عام و الثانى غرق

2 مهندسين نزلوا البحر باش مهندس و طلع مهندس

2كلاب أتخانقوا
كلب1: هو
كلب2: هو
كلب1: هو هو
كلب2: ما تغيرش الموضوع

كيف تضع 4 أفيال فى سيارة فولكس؟
بالأمام و 2 بالخلف

كيف تضع 8 أفيال فى سيارة مرسيدس؟
نبيع المرسيدس و نشترى 2 فولكس

كيف تعرف أن الصرصور دخل البلاعة؟
عربيتة بالخارج

كيف نقسم برتقالة واحدة على 3 أشخاص بحيث ياخد كل واحد 1/2 برتقالة؟
نقولها بقى أنتى برتقالة أنتى؟
ترد: طبعا برتقالة و نصف

ما هى قمة الأدب؟
أن تطرق باب الثلاجة قبل فتحها
ما هى قمة الذهول؟
أن حد يفتح لك

فروق بين البطة و الوزة؟
تقدر تحلق زلبطة مش زلوزة
فية أبن بطوطة مش أبن وزووزة
ممكن تبلبط فى البحر مش توزوز فى البحر
لكن = بط مع = وز
فية بطوط مش وزوز

أقرع مشكلتة ما بيعرفش يعبر عن شعورة

لية الصعيدى بينام رافع رجلية؟
علشان يكعبل الناموس

صعيدى لقى خاتم سليمان دعكة فعص العفريت

عجلاتى قعد عل قهوة طلب يعلو لة الكرسى

كل سنة و أنتم طيبين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jesus love Me
عضو مميز
عضو مميز
avatar

انثى
عدد الرسائل : 139
العمر : 28
تاريخ التسجيل : 06/02/2008

مُساهمةموضوع: رد: اضحك بقى .....انت مركب وش بلاستك ولا ايه؟   2008-02-08, 8:27 pm

ازيكو يا جماعة
ميرسى جدااااااااااا على النكت الجميلة ديه
بجد انا استمتعت جداااا وانا باقرائها
يا ريت تقولو انتوا بتجبوها منين وتكتبوا اكتر
ربنا معاكو ويساعدكو

اختكم
Dr.Marmora

_________________
[img][/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: اضحك بقى .....انت مركب وش بلاستك ولا ايه؟   2008-05-16, 1:53 am

يا عم داي هارت

النكت بتاعتك تحفة
أنا وقعت من الضحك

الله يجازي شقاوتك ياولا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: اضحك بقى .....انت مركب وش بلاستك ولا ايه؟   2008-05-16, 8:08 am

ركز يا بوبو ربنا يكرمك


انا مكتبتش هنا ولا نكتة




ركززززززززززززززززززززززززززززززززززز
حتودينا ف داهية



و حد يقول لمرمورة بتجيبوا النكت منين يا جدعان
حنغش ولا ايه

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اضحك بقى .....انت مركب وش بلاستك ولا ايه؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم المخ و الأعصاب :: فرفشة-
انتقل الى: