الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 ماذا عن الرقص؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: ماذا عن الرقص؟   2008-02-28, 12:10 am

سلام للكل


عاوز اتناقش معاكم يا جماعه عن موضوع فى غاية الاهمية على الاقل بالنسبه لى


هــو الـرقـــــــص

بس قبل ما ابدأ عاوز ارجع بيكم فتره لورا زمان كان لما يبقى فيه فرح ولا حد من الاولاد نجح كانو بيعملوا حفلتين واحده للستات والتانيه للرجاله الستات يقعدوا بقى يرقصوا زى ماهما عاوزين محدش بقى شايفهم والرجاله يقعدوا يشربوا قهوة الناحيه التانيه .

دلوقتى يا اخونى سامحونى البنات مبقاش عندها حياء زى الاول ( طبعا مش كل البنات ) البنت تلاقيها بترقص وبتطلع كل مواهبها . يا جدع ده ولا حتى اللى بتاخد فلوس صدقونى بيبذلوا مجهود جبار .......ليه؟؟؟؟

وصدقونى الممارسات دى كلها مالهاش غير سبب واحد هو البعد التام عن قوانين الكنيسه وكل العجب للناس اللى بيبرروا الرقص بحادثة رقص داود قدام تابوت العهد واللى اتقال عنه .

انه كان يرقص بكل قوته امام الرب (2صم 6: 14 ) وعلى الرغم من كده مراته ميكال بنت شاول احتقرته فى قلبها
احنا بنرقص قدام ربنا ؟؟؟؟.

بالعكس ده الرقص ده كان عبارة عن ممارسات وثنيه وغير انسانيه فى العهد القديم.

زى اللى كانوا بيرقصو حول العجل الذهب .

او ابنة هيرويا لما رقصت قدام هيرودس وطلبت منه راس يوحنا المعمدان مقدرش يتأخر عنها على الرغم من انه مكانش عاوز يقتله الا انه مقدرش يرجع فى وعده وبسبب رقصة طارت رقبة اعظم مواليد النساء .

ده حتى الولاد اللى هم المفروض انهم رجاله بيرقصوا وصدقونى بيرقصوا احسن من البنات!!!!

طاب لو قلنا ان البنات دول بنات وطبيعة جسمهم بيتفاعل مع اى مزيكا او ايقاع عالى
طاب والولاد ايه مبررهم للرقص ؟؟؟؟؟

انا حابب بس اجيبلكم بعض الشواهد من قوانين الكنيسه اللى بتشدد على حرمانية الرقص .

قانون رقم 54 و 55 من مجمع اللاذقيه فى القرن الرابع الميلادى :

1- يجب ان يراعى المسيحيون ان لا تتحول ايام الاعراس وهى ايام فرح مقدس وبركه الى ايام خجل ولعنه حتى للعروسين بما اعتاد بعضهم ان يقوم به من خلاعات غير لائقة

2- يجب على المسيحين فى حفلات الاعراس الا يشتركو فى الرقص والخلاعه لانه لا يليق ان نرقص ونثب فى الاعراس ( بسبب حلول روح الله على العروسين )

3- يجب على المسيحين ان يتجنبوا فى اعراسهم الرقص والتهريج لان هذا لا يليق بسلوك المسيحين

4- لا يجوز للمسيحين سواء اكليروس او علمانين ان يقيموا حفلات طرب ورقص وخلاعه

5- ان هذا المجمع المسكونى القدس منع كلية حفلات الرقص فكل من لا ينفذ هذا القانون ويخضع له ان كان [u]شماسا او كاهنا يشلح من كهنوته وان كان علمانيا فليقطع من الكنيسه .

اخوانى الموضوع مش بسيط ولا سهل زى ما البعض ممكن يتخيل كتير مننا بيقول اهى سهرة وتعدى ولا نفرح الناس ونرقص شويه . الولد بيرقص علشان فلانه تاخد بالها منه والبنت بترقص علشان فلان وفلان

وفلان يشوفوها .
أنا بجد عاوز أعرف رايكم لأن الكلام دة جديد أنا أول مرة أقراة ..أنا شخصيا رقصت مع الناس فى خطوبتى بس بجد مش عارف دة صح و لا غلط؟؟؟؟
ارجو ان محدش يزعل منى بسبب اى لفظ غير لائق .

وطبعا انا عارف انى عضو صغنطوط لكن سامحونى بقولكم غير مسموح لاى كلمات شكر او مديح اديكو شايفين الموضوع فيه شلح وقطع من الكنيسه ياريت نتناقش مع بعضنا ونعرف الصح والغلط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: ماذا عن الرقص؟   2008-03-01, 5:45 pm

الأول أنا أحب أعلق علي نقطة وهي ان انت افترضت ان البنت
تتفاعل مع الموسيقي اسرع من الولد
انا مش موافق علي كده
لأن تفاعل الشخص مع الموسيقي بيعتمد علي عدة عوامل
مثلا :هل هو بيسمع اغاني وموسيقي كتير ولا لأ
ده طبعا مع الوقت بيزيد من حساسية ودنه الموسيقية
فيبتدي يتفاعل معاها بصرف النظر عن كونه ولد او بنت


أما النقطة الأهم هي (صح ولا غلط)؟
الللي باين من كلامك طبعا انها غلط جدا

لكن هل انت تقصد الرقص أمام الجنس الآخر هو اللي عيب ولا الرقص بصفة عامة؟؟

انت اتكلمت علي النص الأول من السؤال
والقوانين اتكلمت علي النص التاني


السؤال التاني:
هو ايه سبب تحريم الرقص؟

هل هو انه كان من العبادات الوثنية ولا لأنه لا يليق بعد حلول الروح القدس في الزواج؟؟؟

لو لأنه من العبادات الوثنية يبقي غلط في أي حال
أما لو كان بسبب حلول الروح القدس فده معناه ان الرقص في أي وقت آخر مش غلط


لكن أنا بميل علي كل حال ان من الأحسن بلاش قاعات بعد الأكالـيل لأنها فعلا بتفقدك الاحساس بعظمة ورهبة السر المقدس
طبعا دي بدايه غير موفقة خالص مع ربنا في حياة انا لسة بابتديها وفي أول خطوة
أقوم مقضيها رقص وهلس

أما في الخطوبات انا لا أرفض ولا أشجع
ولكن لو أتنين عاملين حسابهم انهم مش هايعملوا فاعة بعد الأكليل
ممكن تجاوزا نسمح بالقاعة في الخطوبة حتي عشان خاطر الضيوف والمعازيم

لكن أخاف ان في السماح في حالة الخطوبة أكون بكسر أمر أو قانون كنسي
علشان خاطر أرضي الناس

هنا هتلاقي نفسك واقف قدام آية(ينبغي أن يطاع الله أكثر من الناس) وبكدة تبقي انتهت

لكن ممكن حد يدخلك في جدال ويقولك هو الله قال كده

أقوله: ان أنت دلوقتي عضو في الكرمة أو عضو في جسد الرب..جميل
مادام ارتضيت تكون عضو في الكنيسة يبقي لازم تلتزم بقوانينها وتحترم قياداتها

وفي آية بتقول (من فم الكاهن تطلب الشريعة)

طب ما الشريعة موجودة في الكتب ايه لازمة الكاهن هنا في الأيه؟؟
هو ان الشخص ده مسؤل قدام ربنا عنك وانت أصول ترجعله عند الحاجة
مش أتصرف من دماغي وخلاص

لأن في الحالة دي أبفي أنا المسؤل قدام الله
وضمنيا انا ضربت بالكاهن ده عرض الحائط اللي هو أصلا ربنا حاطه في المكان ده علشان المهمة دي

وبكده بصرف النظر عن القوانين
لو أب اعترافي قاللي لأ يبقي لأ

أو اكسر كلامه وأشيل علي دماغي سلسلة طويلة من الخطايا

الموضوع جميل جدا جدا
آسف للإطالة
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mickey
عضو جديد
عضو جديد
avatar

ذكر
عدد الرسائل : 46
العمر : 31
تاريخ التسجيل : 30/12/2007

مُساهمةموضوع: رد: ماذا عن الرقص؟   2008-03-01, 10:28 pm

انا شايف ان الرقص لا داعى له. ممكن برضه الواحد يعبر عن فرحه بطريقة لائقة غير الرقص.
عموما انا مش ضد الهيصة و الفرحة بطريقة بسيطة لكن الرقص البلدى اللى ساعات بيبقى بشكل مستفز من البنات و الولاد بالاكتر شئ لا يليق. و اصبح البعض يتفاخر بمدى قدرته على الرقص و هز الوسط
على العموم ياريت نقدر نحافظ على مظهرنا كأولاد للمسيح.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 35
تاريخ التسجيل : 25/01/2008

مُساهمةموضوع: رد: ماذا عن الرقص؟   2008-03-01, 10:51 pm

يومياتى يوم الخطوبة
كان يوم غريب جدا
يمكن كل الناس بيبقى نفسها تبقى مكان الجدع اللى فوق واقف جنب عروستة أمام الهيكل و بصراحة هو بيكون شعور متبادل فهو كمان بيبقى نفسة ينزل يقف جنبهمو الموضوع دة لما قالوهولى اللى خطبوا قبلى ماكنتش مصدق بس صدقت لما جربت..
الناس كلها بتبص لى
أية هو أنا شكلى غريب؟؟
وثانيا أنا إية اللى موقفنى فى الخورس القبلى ما أنا طول عمرى بقف فى البحرى؟
و الأدهى لما تكون شماس بتسرح فى النص و تلاقى نفسك بتقول مع اللى بيقولوا
فتلاقى خطيبتك بتزغرلك بس ...أنت بيصلوا ليك أسكت!!
فتبتلع ريقك و تفتكر أن دى خطوبتك فتسكت...
وربما تفقد أعصابك و تنهار فى وجهة ذلك الهاتف الممل الذى يحمل مصباح مثل لمبة اللحام فى وجهك ...و كل شوية يقولك:
إضحك
ههيهيهيهيهيهيه
إضحك
هييييهييه
إضحك
هيهى
إضحك
ياعم إرحمنى أبوس إيدك بقى و جعنى من الضحك
فيتردد نفس الصوت فى أذنيك و كأنة عقاب هبط عليك من إسبرطة أو جزر كريت:
إضحك
وااااااااااأ واااااااأ وأ وأ
و هذا تمهيدا للحفل الراقص فى القاعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Romany 777
Romany 777


ذكر
عدد الرسائل : 210
العمر : 34
رتبه العضو : المشرف العام
تاريخ التسجيل : 23/11/2007

مُساهمةموضوع: رد: ماذا عن الرقص؟   2008-03-02, 12:17 am


حلوه ذكريات الخطوبه دى يارما بجد انا دايما حاسس ان ده اصعب يوم بالنسبه للواد والبنت
والناس كلها واقفه تتفرج عليك ولازم تفشـــــــــــــخ بقك طول الوقت وانت ياعبنى طلعان عينك من قبلها بتحضر للخطوبه
ودماغك فيها مليون حاجه
يلا بقى انتم السابقون




بالنسبه للرقص انا مش شايف انه عاده وثنيه ولاالكلام ده كله
هو موروث شعبى بيختلف من ثقافه للتانيه بدليل ان كل شعوب الارض عندها طريقه معينه للتعبير عن الفرح لاتخلو ابدا من الرقص على اختلاف اشكاله

وفيه اختلاف بين الرقص وبين مساله الخلاعه ,لان الخلاعه دى المقصود بها حسب اعتقادى الايحاءات الجنسيه و العرى والخمر وكده . لكن عدا ذلك يصنف تحت التعبير عن الفرح بالرقص والتفاعل مع الموسيقى وجو البهجه


والف مبرووووك للعروسين


انا معاك فى مسأله قاعه بعد الاكليل دى مش مستحبه بس مسأله (الله ينبغى ان يطاع اكثر من الناس) صعبه فى المسأله دى بالذات ,
لانك لازم تتفق مع الطرف التانى على كده , ممكن تقولك انتى مش عايزنى افرح ودى ليليه العمر والكلام ده كله

انا عن نفسى هعمل قاعه بعد الاكليل دا اذا ربنا اراد واتجوزت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://4ufamily.5forum.net
Die_Heart
عضو فضى
عضو فضى
avatar

ذكر
عدد الرسائل : 307
العمر : 32
تاريخ التسجيل : 29/12/2007

مُساهمةموضوع: رد: ماذا عن الرقص؟   2008-03-03, 9:03 pm

الموضوع ملعبك لعبكة غير طبيعية
و اعتقد ان كل اللي قالوا ( بلاش رقص احسن ) وقت الجد , و لو كانت ديه امنية ( بنت \ ابن الحلال ) او ده تعبير الناس عن فرحتها , كلهم حيرقصوا
اهم حاجة اتفاق العريس و العروسة
و ممكن يتفقوا مثلا يرقصوا slow او اي حاجة رومانسية
و فيه فكرة ( فرق الرقص ) بدل الدي جي , و الفرقة هيه اللي بتقدم العرض
فيه حلول كتير

مش عايز ادافع عن الرقص دلوقتي
لكن طبيعي الرقص ( الجنسي ) بتاع زمان يتحرم من الكنيسة , لكن شوية ال ( تنطيط ) اللي بيتعملوا اليومين دول مظنش انه يخضع لنفس الحكم

مع التحفظ على بعض ( هزات الوسط ) و الكلام فيها اطول و اعقد

_________________
The future belongs to those who believe in the beauty of their dreams
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
era
عضو مميز
عضو مميز
avatar

ذكر
عدد الرسائل : 105
العمر : 31
تاريخ التسجيل : 29/12/2007

مُساهمةموضوع: رد: ماذا عن الرقص؟   2008-03-07, 12:48 am

بالنسبة للرقص انا بحس انه اهانه للجسد سواء رقص البنت او الولد .. فانا ضد الرقص فى اى مكان وفى اى وقت ..
بس بصراحة انا بحب جدا الرقص السلو ( الكلاسيك ) مش لسبب غير انه بيعبرعن مشاعر الحب اللى مابين الرجل والست .. وديه اكيد هتبقى بين راجل ومراته .. وهتبقى حاجة مش عيب ولا غلط ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr popo
عضو مميز
عضو مميز
avatar

ذكر
عدد الرسائل : 142
العمر : 32
تاريخ التسجيل : 10/01/2008

مُساهمةموضوع: رد: ماذا عن الرقص؟   2008-03-13, 6:32 pm

أنا مأيد فكرة الرقص السلو

لأنه يخلو من الخلاعة

ويعطي معني الفرح و الحب

أما بالنسبة للأدمن
نقطة ان الرقص احد العادات الوثنية
دي معلومة صحيحة فعلا مش رأي
بمعني أصح مش من حقك الاعتراض عليها
يعني ماينفعشي تقول انا مش شايف كده
لأن دي حقيقة

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماذا عن الرقص؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: غرفة العمليات :: كلام بجد-
انتقل الى: