الرئيسيةالبوابةبحـثالتسجيلس .و .جالأعضاءالمجموعاتدخولمكتبة الصوراليومية

شاطر | 
 

 كلب الست

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 36
تاريخ التسجيل : 25/01/2008

مُساهمةموضوع: كلب الست   2008-02-26, 12:44 am

كلب الست

فى الزمالك من سنين
وف حما النيل القديم
قصرمن عصر اليمين
ملك واحدة من الحريم
صيتها اكتر م الادان
يسمعوه المسلمين والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه الكمال
قصره يعني هى كلمة
ليها كلمه فى الحكومه
بس ربك لأجل حكمه
قام حرمها م الامومه
والامومه
طبع ثابت
جوه حوا من الزمان
تعمل ايه الست
جابت
فوكس رومي وله ودان

فوكس دا عبقال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قوم مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هوب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها ؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حسن صبرى و صلاح
اللى هما البوابين
والحكايه والروايه
قال لهم
دا كلب مين؟
كلب مين
ما كلب مينشى
سمعه لبخ حبتين
قالة واحد منهم
امشى
اللى جابك عنده مين؟
قال دا شارع يا مواشي
للجميع راكب و ماشى
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشبندي
قام غريم عم اسماعين
قال لة:
محسوبك يا افندي
قام سي سمعه
يروح معاه
الشاويش قال :
غور بدمك
راح تعوصنى
وفوق قفاه
الكف طرقع
داهيه ف ...
تفتكر يفضل سي سمعه
قد ايه فى القسم نايم ؟
استضافه الحجز جمعه
يا بلاش
أهى ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب ... مالي ؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه

الحكاية دى اللى كاتبها أكيد عارفينة و هو شيخ الزجالين / أحمد فؤاد نجم و غناهالوة الشيخ الجميل / الشيخ إمام و الحكاية ان الست أم كلثوم كان عندها كلب اسمة فوكس المهم عض أسماعيل اللى قعد محبوس أسبوع بسبب الخناقة اللى حصلت بينة و بين البوابين المهم طبعا ان عمنا أحمد فواد نجم ماعجبوش الوضع فكتب الكلام دة و راح مغنية الشيخ أمام مغنية و نزلة فى أسطوانتة الخامسة كتأنيب لأم كلثوم و الحكومة من وراءها
وشكرا / د. روما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: كلب الست   2008-02-26, 8:25 pm

ههههههههههه

جامده
لو عندك الاوديو تبقى جامده
الرجوع الى أعلى الصفحة اذهب الى الأسفل
dr_roma
وسام القلم الذهبى
وسام القلم الذهبى
avatar

ذكر
عدد الرسائل : 205
العمر : 36
تاريخ التسجيل : 25/01/2008

مُساهمةموضوع: رد: كلب الست   2008-02-27, 9:57 pm

عندى بس كبير ما عتقدش سهل أنة ينزل ع النت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلب الست
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: جراحات التجميل ( منتديات الادب و الفن ) :: صالون المبدعين-
انتقل الى: