سوال مهم جدا؟لازم كلكوا تجاوبوا

ازيكوا يا دكاترة
عايزة اطرح عليكوا سوال مهم جداااااااا
بس يا ريت كلكوا تجوبوا
من كل المواضيع السابقة والردود عليها استنتجت ملحوظة خطيرة
الزواج بال نسبة للشاب هو مصيبة او كارثة او مطب صناعى
بناء على وجهات النظر التالية
ربنا معانا ويحافظ علينا من المطب المنيل ده
ده تعليق د.بوبو

موضوع: رد: الحب الاول الأحد 24 فبراير - 19:52

سواء حب اول او غيره ده هو خط السير الطبيعي ده تعليق doctors وصعب جدا ترضى البنت .. ربنا يحفظنا .. ده تعليق ايرا دى خطط بنات حواء علشان تجيب العريس علشان الولاد الغلابه يفهموا الحكايه ماشيه ازاى ده تعليق ادمن ...ربنا يستر و لو حصلنا حاجة يبقى دمنا فى رقبة الأدمن اللى هايودينا فى داهية ده تعليق د.روما اما با قى الاعضاء فالمعنى مفهوم ضمنيا السوال بقى ليه دايما الشباب شا يفين ان الجوا ز كارثة لا مفر منها لكن دايما البنات شايفة انه استقرار وبيت واسرة وهكذا لو سمحتوا يا ريت اسمع اجوبتكوا

_________________
[img]

[/img]

حلوة منك ديه ..
هتطلعى دكتورة شاطرة علشان عندك قوة ملاحظة ..
بس اعتقد انك تجاهلتى بعض المداخلات اللى فيها اعتراف بقيمة البنت او الجواز ( انا مش فاكرها اوى ) ..
هو يمكن بالنسبة للولد بيبقى مشكلة اكتر لانه هو اللى بيختار .. هو اللى بيتقدم فبيكون حاسس انه المسئول الأول عن اختياره وده يمكن هو السبب اللى بيخليه متخوف من الجواز او بيقدم رجل ويأخر التانية ..
تانى حاجة ان مافيش طلاق وده بيخليه حريص اكتر وخايف اكتر واعتقد المشاعر ديه عند البنت كمان لانه رباط لا ينحل ..
وحاجة اهم عايز أقولهالك وهى بجد حقيقى واهم من الكلام اللى انا كتبته دلوقتى
ان معظم المداخلات اللى انت حطتيها ديه كلها جر شكل بس وتحمل الهزار فى مضمونها وخليكى واثقة ان معظم اللى كتبوها هما اول ناس عايزين يتجوزوا فهل معنى كده انهم عندهم انفصام ؟ هو بس كلام وحوار من اجل معرفة وجهات النظر وفيه شويه خناق كده علشان يحلو الكلام بس ..

بصى يا ستى إجابة سؤالك بمنتهى البساطة:
أن الولد الشرقى يتزوج (فعل مضارع يتحمل هو أعباءة) و البنت الشرقية زوجت (فعل مبنى للمجهول و هذا المجهول غالبا لا تشارك فية البنت بشئ و لو شاركت غالبا ما يكون والدها هو المشارك)
و دة لأننا فى مجتمع شرقى يعيش فية الشاب حتى سن الأربعين من عمرة متطفلا على أهلة و الشابة حتى سن الستين متطفلة على زوجها و هكذا نرى أن المشكلة الأساسية أن الحياة من بدايتها مش مبنية على الشركة بين أثنان و هذة ليست مشكلة الشباب و لا الشابات و لكنها مشكلة ميراث سلبى توارثناة جميعا كمجتمع شرقى و لذلك تجدى مشاكل الزواج فى المجتمعات الغربية مختلفة تماما عن المشاكل فى مجتمعنا الشرقى يعنى تقريبا وجهة النظر دى تلخص مشاكل كتير خاصة أننا كشرقيين نضع أشياء كثيرة خلف الخط الأحمر و من ثم تتحول حياتنا من بهو كبير ملئ بالفرح ووسائل السعادة إلى كتلة متشابكة من الخطوط الحمراء التى لا تحمل أى فكر دينى و لا أخلاقى ألا أنها خطوط حمراء و ضعتها عقول سوداء توارثناها نحن الضعفاء فصارت أعباء تثنى حتى ظهور الأقوياء و هذة و جهة نظرى و الله أعلم....

لالالا

زى ما قال era المواضيع دى مش اكتر من هزار وضحك no moe

لكن الحقيقه ان الجواز فعلا استقرار ومرحله مهمه فى حياه الانسان ولد او بنت
وبدايه حياه جديده ولذيذه مع انسان تحبه ويحبك

والف مبروووووووووك

peace ya marmora ?

peace Ya man

all U need is Love

عرضت الموضوع ده على صاحبي الحكيم فقام مهزئني و صرخ و قااللي ..........

لا بقاه
الجواز بيأخر احلام الولاد او بيعدمها اساسا
الا ان كان الجواز هو الحلم نفسه

ف زمننا الولد عايز ايه
عيشة كويسة
فلوس يعني
عروسة حنينة
و بس

السؤال
ازاي يجتمع العروسة و الفلوس ؟

لقد اثبتت التجارب - اللي ميعرفهاش اساسا - ان الاتنين ميجتمعوش مع بعض

لو كانوا يجتمعوا , كانوا لغو المهر و الشبكة و بقت فلوس الراجل هيه فلوس الست و العكس صحيح
لكن من اول الخطوبة و ادفع ادفع ادفع
هوه ربع جنية شرعي و كفاية كدة اوي

يقصد
ان السبب الاساسي هو الفلوس
اديه فلوس و ارميه ف الكوشة ,,,

تفتكروا ارد عليه اقوله ايه ؟
ايييييييييييييييييييييييييييه ؟

_________________
The future belongs to those who believe in the beauty of their dreams

اوعى يكون الحكيم ده اللى انا عارفه؟

1-انا عارفة يا دكاترة ان كلام كتير من اللى بنكتبه هزار
ولكن احيانا بتكون فيه اراء تعبر عن وجهة النظر الشخص
والنقطة ديه اغلبيتكوا عبر عنها
2-لما الشباب يبقوا خايفين انهم يقدموا على هذه الخطوة علشان
مافيش طلاق وانه رباط دائم
بيبقوا عايزين بنات خالية تماما من العيوب
وده مش بيحصل
ومش بيبقى فى بالهم خالص ان ممكن تلك الصفات ان تتغير مع الوضع الجديد والزمن
وده بيسبب غضب الشباب من صفات البنات
3-يا ريت صاحبكم الحكيم ده يسجل على المنتدى احسن ما يعمل وسطة ليه
_________________
[img]

[/img]

يا مرمورة فعلا الواحد لما يجى يدور على بنت الحلال بيكون فى دماغة غالبا صورة نموذجية ( مش كل الولاد ) وبينسى انه هو اصلا فيه عيوب ..
وعلشان كده الواحد بيرضى فى الاخر باى حاجة والسلام ..
وبرده الواحد لو مع ربنا هيبقى مستريح اوى وهو بيختار ..

أولا : انا كنت بقول أن المطب هو الأختيار الغلط مش الجواز نفسه

تانيا: كل الناس اللي علي المنتدي هيموتوا ويتجوزوا ماعدا اللي مفرر الرهبنة

ُ ثالثا: ERA شكله هيلبس
_________________
إن كان الله معنا فمن علينا.....رو8 : 31